من عز نومي صحيت وشفت في عيني
دمع تهادى على جفني وأنا غافي
مسحت دمعي بكمي قبل يغرقني
وأخذت هذا الجسد من باقي لحافي
وسريت تايه ورى خطوات رجليني
لا الوجه وجهي ولا الأوصاف أوصافي
امشي وأقول لطريقي لا توديني
لعيون ناس تبي تدري عن الخافي
ما ودي الناس تدري وش يبكيني
كرامة النفس ورث أبوي وأسلافي
امشي وأحس الخناجر في شراييني
والبرد يمشي وراي وينهش أطرافي
الين ما أوحيت صوت يناديني!
صوت اعرفه مثل ما أجهل وش أخلافي
قمت أتلفت وأنادي لا تخليني
ما غيره الصوت هذا صوته الدافي
ولمحت زوله من أقصى الدرب لافيني
تعال شف غيبتك كيف أثرت فيني
تعال شفني وأنا اغرق عقب مجدافي
تعال و اقطف بصوتك زهره سنيني
كل المواعيد عقبك شمعها طافي
تعال وشفيك خايف ؟ أنت ناسيني !
قطعت صوتي عليك وطال ميقافي
حتى بديت اشعر إن الحب معميني
وإن أنت حلم عثى فيني وأنا غافي
بصدق الحلم واحذر لا تصحيني
في خاطري كلمتين إن قلتها كافي
أمانه الله عليك إن غبت عن عيني
ولا يكون قلبك مثل قلب الزمن جافي
مع كل دمعة تذكر رعشة يديني
ومع كل ضحكة تذكر قلبي الوافي !
منقووووووووووووول