يشب الفـكر بالمعنـى وهاجـوس القصيد يثـور
وحـروف القافيـة تسكـن لسانـي واتهجـاهـا
على طاري بحور الشعر ياللـي تعشقـون بحـور
قصيد الشاعـر اللـي يحسـب الكلمـه ومعناهـا
يلامس كل بيـت مـن بيوتـه لهفـة الجمهـور
قبل تنزل بصـوت المطـرب اللـي شـاد بغناهـا
قصايد يمتزج معنـى وصايفهـا بصـدق شعـور
لفـت والفكـر سـاق عنانهـا والليـل سراهـا
تراقص كانها بنت الرمـك يـوم الثـرا ممطـور
تهـادت القلـوب لبعضهـا والـشـوق وداهــا
وانا لي من خيول السبـق خيـل فعلهـا مذكـور
على صهوة جـوادي اكسـب الطـولات وارقاهـا
ولي باهل الصقارة باع و من اغلى الصقور
صقورتنـوش الصيـد لوترقـى السحـابـة وتعـداهـا
ولي فالهجن خير الهجن واسبقها بـدون قصـور
اصيلـة كـل مالـزت لهـا الضامـر تحـداهـا
اذا قلنا اعمـار المجـد يشهـد والجنـاح يثـور
تـروم المستحيـل الـلـي تمنـتـه وتمنـاهـا
يغطيها الصفار تقـول كانهـا شعلـة مـن نـور
مزاياهـا عديـده وانشدونـي عــن مزايـاهـا
مفارقها وسـاع ومـن مفارقهـا يليـن الـزور
مـع طـول رقبتهـا وصفهـا يــوم اتحـلاهـا
منـارة مسجـد مـع قبتـه يـا عندهـا والكـور
مـن عيـون الحسـود الله يحفظهـا ويرعـاهـا
متى ماعرضـت كـن اكثريهـا للصـدر منـذور
ولا عقـب السنـام وطيهـا ولا خـف موطاهـا
فريدة عصر هالة نصر صفوة وطر سمحة طـور
تقول كان الله من عـروق ناقـة صالـح انشاهـا
اذا تورد اعزل النوق عنها خمس سـت شهـور
اذا تصـدر اوردهـن واذا تــورد صدرنـاهـا
علـى مرباعهـا فـزن ولا رامـن بحـق وزور
مياديـن البطولـة ملكهـا والهـجـن تـدلااهـا
متى ما روحـت كـان الريـاح المقبـلات تبـور
بـامـر الله مسـراهـا وبـامـر الله مجـراهـا
ومتى مانحروهـا واقبلـت رد الخصـر منحـور
تـروم تحمـد راعيهـا وصعـب تحمـد عقباهـا
تقـل ميدانهـا ساحـة قتـال وفوقهـا تيـمـور
على ضـرب الـدروب الكايـده والسبـق رباهـا
اذا قامت تقـوم لحالهـا لـو شوطهـا محشـور
وهي بيـن انـدر الهجـن العمانيـات و اقواهـا
ماخلقـت باخـر الطابـور خلقـت لاول الطابـور
زعيمة كاس والسيـف المصقـل مـن ضحاياهـا
بـلا جنحـان ماتقـدر تحلـق فالفضـا الطيـور
وهـي تقـدر تحلـق فالفضـا لان الله اعطاهـا
مايكسر تيمها اعمار غير اعمـار ياهـل الشـور
كـان التيمـات معروضـات عليـهـا وتنقـاهـا
اعشيها على كفـي محـب وعاشـق ومسـرور
وهـي لوودهـا كـفـي تعشـاهـا .. تعشـاهـا
اجـي بحامهـا جـي الضمـار وادي الممـطـور
واسايرهـا وتفهـم نظـرة عيونـي وتقـراهـا
اسميهـا معجـزة الهجـن ولا باسـم محـظـور
من اسلحـة الدمـار الشامـل المحظـور مبناهـا
هي البحر المحيط الهايج اللي كـل موجـه سـور
او البرق الذي مـن نـاره الغيمـه نـزل ماهـا
شسميها وهي اكبر مـن الاسمـا وانـا معـذور
تعـب فيهـا الخيـال وماقـدر يكشـف مسماهـا
بوصفها لكن من يقـدر يوصـف بنـات الحـور
بنـات الحـور فالجنـة وهـي فـلارض مرباهـا
لو ان فرعون مصر اللي بنى الاهرام قبل عصور
حضـر مركابهـا فالشـوط الاول يـوم سقناهـا
هدم الاهرام والاهرام مشهـورة وهـو مشهـور
علـى هيكـل "..اعمار.." مصـر عــاد مبنـاهـا
إعمـــــــــــــــار هي ناقهـ كما هو واضح من القصيدهــ
منقووووووووووووووووول للأمانهـ
الخميس أكتوبر 14, 2010 12:14 pm من طرف rero
